Die onderwerp hierdie maand is: Liefde vir my taal.

Hierdie maand se projek het ´n baie belangrike element daaraan gekoppel. Een van die wenners in die kategorieë se inskrywing sal tydens die gala-aand voorgelees word. Daarom moedig ons jou aan om hieraan deel te neem.

Die projek is totaal vry en oop. Daar is geen reëls rakende die styl, die lengte, die titel of die rympatroon (by gedigte) nie. Solank die moderator duidelik kan sien dat jy jou liefde vir Afrikaans verwoord, sal jou inskrywing geslaagd wees.

Ons vertrou elke lid sal hieraan deelneem en skrywersharte sal die blaaie versier met die liefde vir Afrikaans.

Skryf in Afrikaans, dit is ´n goeie ding.
PROJEKBESTUUR