
saluut vir ‘n vegter
stadig kom ruiter deur bosse
stewige trippel-draf wit hings
maanhare waai lewend gespits
effense runnik-proes teen gewig
versigtig oor klippe van stroom
trap hy en drink neusdiep water
stap dan voort met nat stiegriem
en stywe toom wat sy kop ophou
oorkant begin hy weer draf-gallop
viere wakker hoogtrap pas versnel
ruiter hang half skeef in boeresaal
sy hoed vasgedruk op koorsige hoof
lee metfort staan skeef in sy leersak
stewels in wildvel langbroek gedruk
voor hartbeeshuisie gaan staan saluut
tot sy vrou hom kom afhelp bedtoe vat
saluut stap proesend saam met seun
koudlei en roskam hy verdien ‘n rus
so het bittereinder sy laaste rusplek
na vele veldslae teen kakies bereik
©Teárlach
Maak 'n opvolg-bydrae
Jy moet aangemeld wees om 'n kommentaar te plaas.