Welkom, Besoeker
Welkom, Besoeker

Titel: Blomme

Deur André van Wyngaardt
Datum gepubliseer: 30 Mei 2020 Aantal woorde: 266 375 Kere gelees 16

Blomme

Vers 1:
Eendag is eendag
Dan is alles verby
Eendag is eendag
Vir jou en vir my

Vers 2:
Eendag is eendag
Dat die son nie meer skyn
En al die tydelike dinge
Onherroeplik verdwyn

Koor 1:
Maar vandag het ons nog kans
Om alles reg te maak
Ons het nog kans om lief te hê
En dinge uit te praat

So kom ons gryp vandag die oomblik aan
Voordat die son besluit om te lê
Want môre kan dalk te laat wees
Om jammer vir iemand te sê

Vers 3:
Eendag is eendag
Dat die tyd uitloop
Eendag is eendag
Finaal is die dood

Vers 4:
Eendag is eendag
Dat ‘n kis gat-af sak
En gaan al die selfverwyte
‘n hartstuiste maak

Koor 2:
Pluk vandag; gryp nou die kans
Om alles om te swaai
Ons het nog kans om lief te hê
Gaan die haan weer kraai

So kom ons gryp vandag die oomblik aan
Voordat die son besluit om te lê
Want môre kan dalk te laat wees
Om “ek lief jou” vir iemand te sê

Brug:
Soveel grafte kry blomme
Maar het hul voorheen blomme gekry
Het hul voorheen blomme gekry
Toe hulle nog hier was
Soveel mense daarbuite
Mense wat so swaarkry
Rondloop met ‘n nerf-af hart

Herhaal Koor 1

Sluit af met:
Môre kan dalk te laat wees
Om “ek lief jou” vir iemand te sê

“Blomme” is geskryf en gekomponeer deur André van Wyngaardt©
Vrygestel op die “Skadu’s Van My Hart” album soos op 3 Desember 2012
Ook beskikbaar op alle digitale platforms
Luister gerus na hierdie spesiale liedjie:




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 25
Kommentaar telling: 1

Welkom by my Ink profiel. Ek is André van Wyngaardt en ek is 'n Afrikaanse liedjieskrywer, komponis en sanger. As 9 maande oue baba, het my ma en tannie op my afgekom waar ek "Stille Nag" geneurie het in my kot. Musiek is in my are ... Aan vaderskant het my pa se twee broers bekendgestaan as Die van Wyngaardt Broers; hulle het musiek gemaak en langspelerplate vrygestel in die jare 70's. My musiek is beskikbaar op alle goeie digitale platforms, o.a op YouTube, Spotify, iTunes en Google Play Music. Kom luister gerus.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 53 gaste aanlyn

Bydraes – Argief