Welkom, Besoeker
Welkom, Besoeker

Titel: Die volgende dag

Deur Anria
Datum gepubliseer: 22 Maart 2016 Aantal woorde: 89 1158 Kere gelees 14

… en die wolke
Altocumulus
in die hemelblou lug
terwyl my hart skree van pyn
want jy het my weggegee

al weer en

my mond glimlag
want die wolke is so wit
teen die hemelblou lug

terwyl ek weet
ek moet vandag mos eintlik al beter voel

want vandag
is die volgende dag
na die lang leë nag
en dis tyd om op te staan
en aan te gaan …

al is dit sonder jou.

… en die wolke
Altocumulus
in die hemelblou lug
terwyl my hart
skree

van hoop.

 

© Anria




TEMAS
4 Kommentaar
  1. Anze

    22 Maart 2016

    dis vreeslik mooi Anria

  2. Kiekies

    22 Maart 2016

    Staande applous vir hierdie een!!

  3. Viooltjie

    22 Maart 2016

    Ek hou baie hiervan, Anria. Goed gedoen!

  4. Anria

    24 Maart 2016

    Dankie Anze, Kiekies en Viootjie.
    Ek het eintlik gesukkel met die een … was nie seker of ek dit moet plaas nie …

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 59
Kommentaar telling: 76

Anria Breed is gebore in 1983 en woon tans in Brits. Sy het ’n Nasionale Sertifikaat N6 - Bestuursassistent Diploma met Besigheidsafrikaans. Haar kortverhaal, Die ou Beetle, het die aanlyn Vrouekeur kompetisie gewen in Februarie 2015. In Julie 2015 is drie van haar gedigte gepubliseer in Brose Genade, ’n bundel vir kanker-vegters. Sy het haar debuut digbundel, Volg net die Skoenlappers, in Augustus 2015 gepubliseer. In Januarie 2017 is een van haar gedigte in ’n Nederlandse tydskrif gepubliseer ter ere van die stigting van die nuwe gemeente, Meierijstad in Nederland. In Mei 2017 is haar gedig, Die mooi van die donker, gepubliseer in die digbundel Inkspraak.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

2 Lede, 706 gaste aanlyn

Bydraes – Argief