Pelgrimstog van ons liefde
in die warm
van jou asem
trek ons liefde
skadu’s in rympatrone
wat sag in diftong
deur die vat van jou vingers gly
om vir ewig in my hart te bly
waar ek dorstig –
(soos in die woestyn)
my kruike vul
soos een sonder
‘n eie wil
dan plant ek kosmos sade –
(dalk ‘n palm of twee)
om aan jou ewige rus
in doekvoettree te gee
waar jy my heil’ge
land eerbiedig
betree
vat ek jou dink
op ‘n Pelgrimstog
tot waar emosies oopskeur,
soos ‘n dooie see, en ons verdwaal –
(vir 40 jaar en meer)
‘wyl ons kwartels in ootmoed vang
ook manna uit bakhand eet
om dan totaal van tyd
se uurglassand
te vergeet
© Anzè Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
7 Kommentare
-
neels claasen
Die foto rond hierdie pragwerk volmaak af Anze. hierdie gedig het my n traan laat wegpink so mooi is dit
-
Viooltjie
Besonderse laaste strofe, Anze. Goed gedoen :-)
-
Anze
Baie dankie Evelyn, Neels en Carma ek waardeer julle stilstaan en goue woorde
-
Kiekies
Og dis so mooi, veral: vat ek jou dink op ‘n Pelgrimstog tot waar emosies oopskeur, soos ‘n dooie see, en ons verdwaal – (vir 40 jaar en meer) ‘wyl ons kwartels in ootmoed vang ook manna uit bakhand eet om dan totaal van tyd se uurglassand te vergeet
-
Anze
Baie dankie Kiekies, jou goue woorde maak my hart baie warm klop
-
Boetiegoed
Eish! Anze dit is sooo mooi!
Maak 'n opvolg-bydrae
Jy moet aangemeld wees om 'n kommentaar te plaas.
Evelyn van der Merwe
Uitsonderlike woordspeling hier toegepas. Pragtig