In my wêreld
Here, dit voel asof ek nie kan sien wat U wil he nie
Dit voel asof ek nie kan hoor wat U wil se nie
Ek het weg geraak in my eie wêreld
Here, niemand het eers na my kom soek nie!
Dit was so stil, Here
Ek was so alleen
Het iemand ooit geweet ek is weg
Ek was kwaad, Here
Ek het gehaat
Dis nie wie ek is nie
Maar dit het so reg gevoel
Waar was U toe ek geroep het
Waar was U toe ek my stem weg geskree het
Dit maak seer, Here
Om te voel asof ek met myself praat
Sit stil
Luister
Ek wil vir jou kom fluister
En soos die wind
Wil ek saggies aan jou raak
En met ‘n soen
Wil ek alles beter kom maak
Om elke draai
Om elke hoek
In jou wêreld
Het My liefde jou kom soek
Toe jy begin hardloop het
Toe hardloop Ek saam
Toe jy vergeet het wie Ek is
Toe sing Ek nog jou naam
Ek was reg agter jou
toe jy gevoel het jy was alleen
ek het jou regop gehou met die wind
en ek het jou omhels met die reën
3 Kommentare
-
Evelyn van der Merwe
Uitstaande inspirerend gepen. Knap gedaan.
-
Koekekranka
....en so leer Hy ons nie net maar om geduldig te wag op Sy reaksie nie, maar verseker Hy dat Sy oor nooit te doof is om te hoor nie en dat Sy arm nooit te kort is om uit te red nie, dat Sy tyd nie altyd nou is nie, maar dat Sy tyd altyd die regte tyd is om te antwoord... 'n Pragtige hartsgesprek waarmee ek maklik kan assosieer.
Maak 'n opvolg-bydrae
Jy moet aangemeld wees om 'n kommentaar te plaas.
Anze
so hou Hy ons altyd in die holte van Sy hand, as ons stil word om Sy stem te hoor. Baie mooi gedig