Liefdeslas (BRONS)

Een Korinthiërs dertien teen jou yskas
as aanklag van die liefdeslas:
teen jou selfkastydende standaard
staan hul liefde wat in misbruik ontaard.

Ek is bly jy is hier.
Kom, ek skink jou nog ‘n bier.
Ek glo ons sal die liefde en hoop
kan verdrink voordat jy loop.

Een Korinthiërs dertien wys wat vals is:
bedek, glo, hoop verdra alles.
Veins geduld, wees vriend’lik, nie jaloers
al handel húl onwelvoeglik, platvloers!

Ek is bly ons kon praat.
Jy, met Oude Meester raad.
Ek glo ons het die liefde en hoop
van hul vals’ voorgee gestroop.

Wanneer als verflou in ontrou
reken die kwaad nie toe nie,
raak nie verbitterd nie.
Mag jy genoeg van die mooi onthou
om geloof in jouself te behou.

Want onthou, als verflou in ontrou.

Want onthou, als verflou tot ontrou.

©ASvdM

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag