Ligkaatser
Jou skadu
is die vagevuur
wat binne
my gloei
die refleksie
van my denke
word om jou gebou;
J Y
die ligkaatser
van my diepste wese
waar ek my
werklikheid
in jou oë
druppel vir druppel
in minnewoorde
sien blom.
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
6 Kommentare
-
Koekekranka
Anze, Anze, Anze... Die minne-digter op haar stukke. Sjoe, dit is pragtig!
-
Inkmoderator
Dit is hoe vers-maak daaruit moet sien. Dit is 'n kort en kragtige vers en ek persoonlik het nie 'n kriesel kritiek daarop nie. Pragtig en geslaagd. Dit is mooi om so na 'n geliefde te kan verwys. IM
-
Amaspoke
Kort en kragtig, en dit sê so baie!
-
Ronel Janse van Vuuren
Pragtig :-)
-
Marisa Labuschagne
So mooi! Nog 'n baie mooi werk. Wat kan mens anders se?
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig Anze. jou werke is altyd meesterstukke