Jongste aktiwiteit:

Ek wil lewe (goud)

Vat my enige plek saam met jou
enige plek weg van hier
enige plek waar vergeet kan verlig

‘n plek met purper plesierighede
soos in die mik van jou arms
of oor die heuwels van jou heupe
waar jou hande veilig oor my kan veld
‘n plek waar buite ‘n binneding raak
waar net ek en jy kan verdwaal

sonder dat iemand ons sal soek
‘n plek waar ek rondborstig
oor jou kan rinkink
jy my labirinties oor die intertekstuele
ritmes van jou lyf kan abba
met glibberige hande my kan gelykmaak

vat my net weg van hier
want ek wil verpoeier,
verstof of verdwyn

sonder om dood te gaan

© Sept 2020 Caren Kearley
Kopiereg voorbehou




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed