Joviaal

Vandag wil ek my woorde om jou vou
alomdeur jou drome huppel ;
jubel in jou jywees en menswees
jakôna wêna!
vir ons vriendskap;
sonder mense soos jy
sal mense soos ek
niks wees.

Met opgewekte emosies
wil ek laggend my arms om jou gooi
jou hart se voorportaal
v-e-r-l-i-g met my lofliedere
want jý my maatjie
loop hand aan hand met my
deur hierdie lewenspaadjie;
nooit weer sal ek iemand soos jy kry
© 2017 Caren Kearley
Kopiereg voorbehou