
Die laaste klip
Bly doodstil.
Kan jy dit ook hoor
geraamtes uit haar kas
soos Judas, Pilatus, Petrus en Brutus
wat uit al wat gat is bars –
korrel vir korrel veg sy
ses voet na bo.
Saam met blink gevryfde intensies
en ontrafelde verwagtinge
beur sy deur klippe en kluite
wat uit huise van glas
op haar neerdaal,
vrywees word in weggooidroom
wat saam met sout teen haar wang afrol
terwyl hulle wat met skuimbekke;
geklee in wolwit skaapveljasse,
vloek, skel en hoonlag.
Bly gou doodstil
miskien kan jy ook sien
hoe Sy naam in
haar handpalms bloei
voor jy nog ‘n klip optel.
© 2018 Caren Kearley
Kopiereg voorbehou
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die April 2018 - Paasfees projek