Om weet te leef

Jy weef vir my ‘n mat
so sweef ons hoog bo die grond
oor dale,
oor berge,
hoog bo wolke.

Jy sing vir my ‘n lied
wat eggo’s vleg om my siel
beroof my ruimtes van stiltes
so neurie ons saam met die wind
en dans in die strale van die son.

Jy skilder vir my ‘n lewe
waarin ek myself kan verhewe
geroesde realiteite ruil om te vergewe
‘n droom te baar met arendsvlerke
so sal die verlede homself onverpoos begewe.
God is goed
en die lewe is ‘n oasisryke woestyn.

© 2017 Caren Kearley
Kopiereg voorbehou