Aardsengel

In haar waansin wou sy ook weet
wie se beeld lê dan in haar geskape —
‘n rib, wat nie heeltemal pas;
stof wat stink in haar siel.

Terwyl die blou in die weste goud word
wens sy weerbarstig en waardigterlik –
haar vonnis en sy lot is klaar verseël
met die swaard van gereg reeds teen ‘n keel.

Kom daar dan geen einde; geen uitkoms meer
wanneer liefde verkanker teen pikswart teer
net om die vrot plek in ‘n lekhart vol sout te smeer.

In haar waansin sing sy selfs ‘n wandellied;
solank as wat jou voetspore deur haar vingers bloei –
gil sy tussen starende stiltes van sterre
teen die lewe se f-e-l-l-e slae.

“Wie het haar dan gestuur
en wat moet sy hier doen?”

Háár vlerke het sy lankal reeds opgevou.

© 2017 Caren Kearley
Kopiereg voorbehou
* waardigterlik: digter en waardiglik: op waardige wyse

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag