Terstonde Drange

Hierdie keer sal ek probeer
om die stiltes in my binneruim
sonder taalpatrone
of lyne oor my naakte lyf;
net vir jou om te keer.

Want vrolik en vrouehartig
wurm ek in walms van wanhoop-
deurdring met diep drange
om my onverdeelde hart te oorwin.

Hierdie keer sal ek
regtig hard probeer
om saam met jóú vlerke
te flapetie-flap-flap
traanloos my menswees
onder jou son te verkelk
terwyl jou slymbek kwyldrade
oor my uitspansel drupetie-drup.

Hierdie keer sal ek wraggies
soos ‘n wolf in skaapwagterklere
teen jou rooiste reuse te stoei
tot my liefde deur jou are bloei.

© 2017 Caren Kearley
Kopiereg voorbehou

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag