teleurstelling

soos ‘n visserman wat elke dag probeer
maar nooit enige vis uittrek wat hy kan eet
soos ‘n jagter wat kilometers loop sonder om bok te skiet
soos ‘n oupa en ouma wat maande wag sonder om besoek te word
soos ‘n beloofde wat dae wag om van haar geliefde te hoor
soos ‘n boer wat tussen stoppels staan van verdroging
soos ‘n ouer wat kyk hoe tronkdeur voor kind sluit
soos ‘n gelowige wat besef sy geloof is nie eg
soos ‘n kind wat tevergeefs wag op liefde
soos ‘n hond wat tevergeefs wag op kos
soos ‘n vrou wat tevergeefs wag op drukkie
soos ‘n man wat tevergeefs wag op erkenning
soos ‘n vriend wat tevergeefs wag op vriendskap
soos ‘n Skepper wat tevergeefs wag op gelowige kinders
so is teleursteling akkuut en langdradig seer
so skep teleurstelling frustrasies
laat dit lelike eelte vorm
eelte wat verhard
en uiteindelik
versteen

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag